Tuesday, October 5, 2010

अर्जी....

Dear Bhagwanji...

ek arji pesh hai....
meri shikayat hai, aur sawal bhi... mom kise jada pyar karti hai???
aaj mom se katti hu.... haa katti... waise to sabse jada blogging karti hai.. dinbhar online rehti hai sabke b'day matlab janmdin par badhaiyan deti hai online (iska hindi word nahi pata), par mere b'day par mere liye koi post nahi likhi...
puchne par..excuse (bahana) diya ki.. itni badi ho gayi hai ab tere liye bhi post likhu b'day ki.?? aur ye bhi-- sabke b'day par unki photo (taswir) lagati hu.. tere b'day par kya lagati???
aur fir daughter's day (bitiya diwas) par bade shaan se photo laga di.... ab agar meri taswir lagani he nahi thi to.. daughters' day par bhi nahi lagati...... hai na??
ab aaj bhaiya ka b'day hai to subah savere se priya putra k liye post chipka di net par.... ab batao bhala ye koi baat hai???
maine to cake par bhi likhwa diya for "MOM's FAV."
ab jara faisla sunaiye ki mom kisse jada pyaar karti hai..?

ek condiion hai.... mom ki taraf se koi safai nahi suni jayegi... wo sabko apne paksh mein karne ki kshamta rakhti hai...